جهزى الخضار قبل رمضان وضعية فى الثلاجة

البسلة

البسلة

فصصى البسلة واسلقيها فى ماء مغلى لمدة 3 دقايق ثم شيليها وضعيها فى مصفاة واشطفيها بالماء البارد لحد ما تبرد وحطيها فى الاكياس النايلون النظيفة

الجزر

اكشطى الجزر بالسكينة و اغسلية وقطعية اما اصابع طويلة رفيعة او حلقات واسلقية فى ماء مغلى لمدة 3 - 5 دقايق ثم شيليه وضعيه فى مصفاة واشطفيه بالماء البارد لحد ما يبرد وحطيه فى الاكياس النايلون النظيفة



الفاصوليا الخضراء

شيلى طرفين الفاصوليا الرفيعين ثم قطعى الفاصوليا بالسكينة بالورب والطول حسب ما بتحبى و واسلقيها فى ماء مغلى لمدة 3 دقايق ثم شيليها وضعيها فى مصفاة واشطفيها بالماء البارد لحد ما تبرد وعبيها فى الاكياس النايلون النظيفة

السبانخ

الجزر

ياريت لو تكون طازة مرعرعة اغسليها كويس وضعيها فى المصفاة لحد ما تصفى مايتها ثم قطعيها بالسكينة (خرطيها).اسلقيها فى ماء مغلى يادوب مغطيها بس لمدة 3 دقايق وبعدين تشيليها وتبرديها بالماء بسرعة وتضعيها فى المصفاة علشان تتصفى كويس من مايتها وقبل ما تعبيها فى الاكياس اضغطى عليها برضة بأيدك علشان مايبقاش فيها ماء خالص

الملوخية

اغسلى الملوخية كويس وقطفيها وافرشيها على جرنال فى الشمس علشان تنشف ثم خرطيها بالمخرطة المخصوصة بالملوخية (اظن كلكم عارفينها اللى عاملة زى القارب ) نضع عليها من 3 ل 4 معالق كبيرة اما ماء او شوربة وقلبيها كويس يعنى كأنك بتفكيها ثم تعبى فى اكياس وتبططيها بأيدك علشان تبقى زى الاكياس اللى بنشتريها او ممكن فى علب بلاستيك

ملحوظة ...لكل نص كيلو ملوخية من 3 ل 4 معالق كبيرة شوربة او ماء

الملوخية

القرنبيط

شيلى الراس الكبيرة الجامدة وقطعيها وردات صغيرة منفصلة عن بعضها واسلقيها فى ماء مغلى لمدة 3 دقايق مع وضع عصير ليمونة الى الماء المغلى حتى يفضل لون القرنبيط ابيض زى ماهو تشيلية من الماء وتسبيه لحد ما يبرد وتعبية فى الاكياس

البزنجان

نقشر البزنجان ونقطعه اما حلقات أو مربعات حسب الرغبة ورشى علية شوية ملح ولما يطلع مايته اضغطى علية بأيدك . ثم اقلية فى الزيت لحد ما يبقى لونه دهبى ثم يوضع على الورق الماص للدهون لحد ما يبرد .تعبيه فلى اكياس على هيئة صف بجانب بعض ثم ضعى فوقه قطعة ورقة زبد وبعدين رصصى الصف التانى .

ملحوظة :

لما بتسلقى الخضار مثلا 3 دقايق يبقى تبردية تحت ماء الحنفية برضة 3 دقايق يعنى نفس وقت الغلى لازم يكون هو نفسه وقت الشطف

لاتضعى اى ملح على الخضروات الا بعد ما تطبخيها وتستوى

لازم وأنتى بتعبى الخضار فى الاكياس تفضى الكيس كويس من الهواء

عند تسويتها توضع على طول وهى مجمدة من غير ما تسيحيها

وكل عام وانتم بخير